Историја

Основана во 1953 година како фирма за монтажа на електрични и водоводни инсталации и системи за централно греење, компанијата постепено се развива во производител на:

• Садови под притисок
• Индустриски котли и бојлери
• Резервоари за различни медиуми како : тешки и лесни горива, хемикалии и вода
• Изменувачи на топлина
• Данца
  
  

ДМБ денес

Со повеќе од 60 години искуство, денес ДМБ Производство е присутна на пазарот со широка гама на производи наменети за индустриите кои користат: садови под притисок за пропан бутан, течен CO2, компримиран кислород и други медиуми; данца во различни форми и димензии; различни видови на индустриски котли; резервоари за складирање на медиуми без притисок; ресивери за нискотемпературни медиуми; бојлери; разменувачи на топлина и филтри за третман на напојни и отпадни води.

Покрај стандардното производство, компанијата е препознатлива и по своите технички капацитети за изработка на производи по мерка на клиентите, според дизајни на самите клиенти или со изготвување на  целосни решенија од дизајн, преку изработка до инсталација на различни видови на опрема за процесната индустрија, како:

• Компресорски станици
• Котларници и други видови системи.

Компанијата ДМБ Производство изработува производи и решенија за водечки компании од нафтената, прехрамбената, фармацевтската и други индустрии.
Сите производи на ДМБ подлежат на интерна контрола, која ја извршува квалификуван и сертифициран персонал и која, во зависност од стандардот на производот, е предмет на следните испитувања:

• Радиографско испитување (RT)
• Ултразвучно испитување (UT)
• Испитување со течни пенетранти (PT)
• Испитување со магнетни честички (MT)
• Визулено и димензионално испитување (VT)

Технички капацитети и опрема

На вкупна внатрешна и надворешна површина од 40.000м2, ДМБ располага со повеќе производни хали, од кои и еден двоборден погон со димензии 45x110м кој овозможува истовремено одвивање на повеќе технолошки процеси.
Опремата на ДМБ е од реномирани производители како Messer Griescheim, Esab, Kpautkromer, Jena, Philips, Cooperheat, Demag.

Филозофија и визија

Приоритетите во развојот на  ДМБ Производство се фокусираат на напорите за што повисок степен на задоволување на барањата и очекувањата на клиентите од аспект на квалитет, цени и рокови, истовремено запазувајќи ги потребите на вработените, на општествената заедница и животната средина.