ДМБ  е фабрика за производство на парни, вреловодни и топловодни котли, садови под притисок, процесна опрема, монтажа, реконструкција на стари инсталации од сопствено или друго производство и сервис на истите.
Производството на ДМБ се одликува со висок квалитет, безбедност, изработка на материјали според постоечките домашни и меѓународни стандарди и во согласност со барањата на клиентите. Опремата која се вградува во нашите производи е од проверен квалитет и набавена од проверени добавувачи.
ДМБ води континуирана грижа од сите аспекти за квалитетно производство преку задоволување на желбите на купувачите, потребите на вработените, општествената заедница и животната средина.

Во согласност со горенаведеното, ДМБ донесе одлука за воведување, имплементација и одржување на интегриран систем за квалитет, согласно стандардите ISO 9001, ISO 14001 И OHSAS 18001.

Задача и одговорност на секој вработен во компанијата е да работи во насока на задоволување на барањата на клиентите како и обезбедување и унапредување на барањата на системот за квалитет.

Раководството на компанијата е посветенo на:

• Подобрување на задоволството на клиентите

• Реализација на високо квалитетни производи и услуги, со цел задоволување на барањата, очекувањата и потребите на клиентите

• Создавање на соодветни работни услови и работна средина за персоналот и обезбедување на сите потребни ресурси и континуирана професионална обука со цел обезбедување на постојана мотивација на персоналот на сите нивоа на организацијата